Осум видови кои беа исчезнати повторно се откриени во природата

Aудио статија

Многу уникатни и прекрасни видови се сретнаа со оваа темна, неповратна судбина низ вековите, вклучувајќи ја птицата Додо (лат. Raphus cucullatus) (во 17 век), Тасманискиот тигар (лат. Thylacinus cynocephalus) (1936 год.) и западноафриканскиот црн носорог (лат. Diceros bicornis longipes) (2011 год.). Релативно неодамнешните случаи на изумирање се главно, ако не исклучиво, резултат на човечки активности. Причините за истребувањата вклучуваат: загадување, уништување на шумите, болести и лов.

И покрај тажниот факт што многу видови исчезнаа засекогаш, сè не е изгубено. Организациите како Rewild, која го држи рекордот за најмногу „исчезнати видови“ за кои повторното откривање на животни, растенија и габи исчезнати од науката и на крајот помагаат да се зачуваат доколку сè уште постојат. Од 2017 година, осум од овие „најбарани“ изгубени видови се повторно откриени. Еве ги оние видови за кои некогаш се мислеше дека се исчезнати.

1.    Воласовата џиновската пчела (лат. Megachile Pluto)

Во 2019 година, оваа пчела позната и како најголемиот вид пчели во светот, беше забележана повторно за прв пат по речиси четириесет години. Откритието го направија американски и австралиски научници кои го бараа инсектот во оддалечениот архипелаг Северен Молука во североисточна Индонезија. Воласовата џиновска пчела може да порасне до 4,5 cm со распон на крилјата од 6 cm, додека мажјаците се многу помали. Научно е документирано за прв пат во 1858 година на молуканскиот остров Бакан од британскиот натуралист Алфред Расел Валас, па оттука и нивното име.

“Повторното откривање на овој вид беше монументален момент и се надеваме дека ќе биде катализатор за зачувување на ова животно кое соборува рекорди. Реалноста е дека веќе се знае дека пчелата е таму. Откако ја направивме пчелата светски познат предводник за зачувување, уверени сме дека овој вид има посветла иднина отколку само да ја оставиме тивко да избледи во заборав”, вели Робин Мур од Global Wildlife Conservation.

2. Џексоновиот планински саламандер (лат. Bolitoglossa)

Овој саламандер, познат и како „Златното чудо“, беше повторно откриен во 2017 година, првиот од 25-те најбарани изгубени видови на Rewild. Чувар на паркови во резерватот “Jal Unin Jul Vic” во Гватемала го забележал саламандерот. Ова уследи по едукативна акција од FUNDAECO (Фондација за еколошки развој и зачувување) за да помогнат во идентификувањето на овие животни.

Џексоновиот планински саламандер беше виден на работ на границата на резерватот. Паркот е дом и на Финковиот саламандер (лат. Bradytriton silus) и Долго-опашестиот саламандер (лат. Eurycea longicauda) кои беа повторно откриени во 2014 година. И покрај тоа што е виден за прв пат по 42 години, џексоновиот планински саламандер и понатаму е критично загрозен вид.

3. Виетнамски трагулус (лат. Tragulus Versicolor)

Овој сладок цицач, познат и како елен-глушец, е со големина на зајак. Повторно беше откриен во 2019 година по 28 години во планината Аним, планински венец во источна Индокина што минува низ Лаос, Виетнам и мал дел од Камбоџа. Оттогаш, забележани се уште две мали популации на видот. Теренскиот тим, составен од Rewild, GreenViet, Јужниот институт за екологија и Институтот за истражување на зоолошката градина и дивиот свет во Лајбниц, моментално ја проучува дистрибуцијата и заканите за видот.

4. Сомалиски Сенг (лат. Elephantulus Revoilii)

Овој мал цицач беше повторно откриен во Џибути во 2020 година, откако беше истребен  цели 51 година. Видот последен пат е документиран во 1968 година во Сомалија. Тим од научници, вклучувајќи ги Стивен Херитиџ, Гален Ратбун и Хусаин Рајале, поставија 1.259 живи стапици на 12 локации за да се обидат да го набљудуваат овој цицач. И покрај сличноста меѓу овие животни и итрините, тие всушност генетски се поблиску до слоновите.

5. Фернандинска желка (лат. Chelonoidis Phantasticus)

Во 2021 година беше пронајдено генетско совпаѓање помеѓу два вид желки откриена во 1906 година и желка пронајдена во 2019 година. Ова се единствените два документирани случаи на овој вид желки, со разлика од 113 години. Откривањето на женската желка во 2019 година се должи на експедиција на островот Фернандина на Галапагоските острови. Патувањето го водеа Управата на националниот парк “Галапагос” и “Galapagos Conservancy”, со поддршка од  Discovery’s Animal Planet. Сè уште не е познато дали има и други желки на ваквиот остров, а видот има статус на критично загрозен на Црвената листа IUCN (Меѓународен сојуз за заштита на природата).

6. Краба леоненси (лат. Afrithelphusa Leonensi)

Оваа мала, шарена краба не е забележана од 1955 година. На почетокот на 2021 година, потрагата ја водеше Пјер А. Мвого Ндонго, еден од тројцата експерти во светот кои можат да го идентификуваат ова ретко животно. Веднаш на крајот на експедицијата, Мвого Ндонго го направи својот деветти и последен обид да го најде. Со помош на локалната заедница која помогнала во потрагата, тој пронашол шест примероци во Сиера Леоне.

„Кога ја пронајдов крабата во Сиера Леоне, бев многу среќен. Тоа беше по речиси три недели потрага по изгубениот вид. Ова патување беше многу тешко. Мора да бидете психолошки силни. Но, бев многу одлучен“, вели  Мвого Ндонго. Мвого Ндонго го пронашол и крабата Афзелиус (лат. Afrithelphusa afzelii), кој не била сретната цели 225 години, и два нови вида на слатководни ракови. Овие живитни се среќаваат покрај извори. Тие исто така имаат специјално прилагодени органи како “бели дробови” за да можат да дишат воздух.

7. Воелцковски камелеон (лат. Furcifer Voeltzkowi)

Ова животно беше повторно пронајдено во 2018 година. Френк Глав, раководител на Одделот за 'рбетници во Зоолошката градина во Минхен, ја предводеше експедицијата во Мадагаскар. „Нашите напори беа целосно неуспешни во поголемиот дел од патувањето да го најдеме онаму каде што мислевме дека најверојатно ќе биде“, рече Глав.

„Беше навистина фрустрирачко, но повторното откритие во последните неколку дена од патувањето веднаш промени сè и ни даде неверојатно среќен крај. Идентификувани се три машки и 15 женки, кои имаа особено интересни шари на виолетова, портокалова, црвена, зелена, црна и бела боја. Мадагаскар е дом на речиси половина од видовите на камелеони во светот, а 96 од овие видови не се наоѓаат никаде на друго место во светот.  “Воелцковски камелеон е моќен водечки вид за зачувување во регионот”, вели Занотели, кој исто така беше дел од експедицијата во 2018 година.

8. Непентес молиш (лат. Nepenthes Mollis)

Овој егзотичен и неверојатно оддалечен растителен вид е виден во 2019 година за прв пат по 101 година. На науката и беше познато само од оригиналните примероци откриени во 1918 година. Тим ботаничари повторно го открија во Борнеа.

Ова растение спаѓа во фамилијата на месојадни растенија кои поставуваат замки за инсектите и ги дигестираат со помош на хидролитички ензими. „Секогаш кога бараме изгубен вид, тоа е шанса да го прославиме дивиот и чуден див свет на нашата планета. Тоа е исто така шанса да се спречи исчезнувањето на некои од најмалку разбраните видови, диви животни кои играат улога во екосистемите во кои живеат и се исто толку фасцинантни и харизматични како и животните што сите ги знаеме“, вели д-р Барни Лонг во ReWild.

Императив е да ја заштитиме природата и да ги третираме природните живеалишта како да сакаме да живееме таму. Туку и другите диви животни кои го делат нивниот дом, екосистемите во кои живеат и здравјето на планетата како целина.

Автор: Иван Ефтимов
Користена литература:
- www.guinnessworldrecords.com

Контакт: naucibiologija@gmail.com
Забрането е копирање на мaтeријал без дозвола од авторот